Guet, grad es Abentüür chames ja (no) nid nenne. Abr i ha mir halt vorgnoh usfüehrlech, und zwar vo Afang bis zum bitteren Ende, über mis (zuekünftige) Ustuschjahr z'blogge, und weni mir öppis i Chopf setze...
Hüt isch jedefalls z'erschte vo insgesamt drü Vorbereitigsseminar gsi. Ha zwar zure scho fasch unchrischtlech früehe Zyt müesse ufstah u mitem Zug uf Bärn fahre, abr süsch ischs no kuhl gsi :) Scho woni uf dr grosse Schanze mis Plänli ha zückt het mi d'Nicole us Thun aghoue und so si mir zäme zum Aki gloffe. Und wil das ja würklech diräkt näbedran isch (wini ersch jetz weiss..) si mir über e halb Stund z'früeh gsi und umegstande wi bstellt u nid abgholt. Dä Hobby-Verein isch nämlech no mitts i de erschte Vorbereitige gsteckt. D'Befürchtig das mir di einzige 2 sige het sech glücklicherwiis nid bestätiget, insgesamt si mer 8 Kandidatinne gsi (u öppe glichviil Betröier). Düre Tag dür hei mir Infos über d'Organisation übercho (--->http://www.icye.ch), hei üs Gedanke über d'Volontär Arbeit gmacht, Z'Mittag gässe, si einzeln interviewt worde, u hei o meh als gnueg Zyt übercho zum di verschidene Länderordner z'studiere, dr Programmpunkt "Wie finde ich eine Gastfamilie?" het mi glücklicherwiis id bsunders kümmeret wil mini Familie bereit isch öpper ufznäh (zum Glück! i liebe si drfür...nid nur wili die 1200.- äxtra nid mues zahle, o was drhindersteit und so..) me het üs gseit was mit em Gäld wo mir zahle (und es isch nid wenig :/ ) passiert, und schliesslech, ändlech, nach immerhin nur 7 u nid wie zersch akündiget 10 Stund hei mir üs verabschidet. Zersch hei mir allerdings no dörfe Rückmäldig gä...
So, jetz chli zu mir. I wett es Ustuschjahr als Volontär uf Bolivie mache. Und zwar wili
1) nach 12 Jahr Schuel eis öppis sinnvolls wett mache
2) Spanisch wett lehre
3) öppis nöis gseh und erläbe
und wiso Bolivie? Wil ds Südamerika nur Bolivie, Ecuador, Kolumbie u Brasilie zur Uswahl stöh. Ds Brasilie redet me bekanntlech portugues (odr öppis ähnlechs) und woni atönt ha das Kolumbie ono öppis wär isch mini halbi Verwandtschaft Sturm gloffe, es sig ja soooo gfährlech. Cha ja scho si, immerhin chunnt mini Tante vo Kolumbie - getrout sech aber nüm häre. Anderersiits... chli weniger Schmuck&Co. täts doch o? :p
Bolivie isch ono interessant wägem höche Ateil vor indigene Bevölkerig, de Indigenas (ja, ja, ja nid Indios!)
Und hüt hani no mit dr Florine gredt - odr besser si mit mir, wo 5 Mönet ds La Paz isch gsi. Und si het mir würklech vorgschwärmt, u wett o gärn no einisch ga. Si het mir no so über ds Ässe verzellt (Riis mit Härdöpfel, odr schwarzi, gefriertröchneti Härdöpfel (Spezialität!) und geng, geng Fleisch, v.a. Poulet odr Hackfleisch. Empfohle het si mir Teigtäsche vo de Strasseständ und Saftständ wome d'Frücht uswählt wonär gad presst wärde...mmmmmmh) I schribe das übrigens hie uf, nid wili dänke dases öpper wahnsinnig interessiert, sondern damit is nid vergisse :)
Was mir dä Tag bracht het? I würd säge es het mini Entscheidig gfestiget und mir e chli z'Gfüehl gä dases richtig isch das z'mache. Und weni so dra dänke, gspüri scho es bitzeli Vorfröid...
Wyter geits ersch mitemne 3-tägige Camp vom 22.-24. Juni, z'Aarburg. Bis denne!
x.
Hüt isch jedefalls z'erschte vo insgesamt drü Vorbereitigsseminar gsi. Ha zwar zure scho fasch unchrischtlech früehe Zyt müesse ufstah u mitem Zug uf Bärn fahre, abr süsch ischs no kuhl gsi :) Scho woni uf dr grosse Schanze mis Plänli ha zückt het mi d'Nicole us Thun aghoue und so si mir zäme zum Aki gloffe. Und wil das ja würklech diräkt näbedran isch (wini ersch jetz weiss..) si mir über e halb Stund z'früeh gsi und umegstande wi bstellt u nid abgholt. Dä Hobby-Verein isch nämlech no mitts i de erschte Vorbereitige gsteckt. D'Befürchtig das mir di einzige 2 sige het sech glücklicherwiis nid bestätiget, insgesamt si mer 8 Kandidatinne gsi (u öppe glichviil Betröier). Düre Tag dür hei mir Infos über d'Organisation übercho (--->http://www.icye.ch), hei üs Gedanke über d'Volontär Arbeit gmacht, Z'Mittag gässe, si einzeln interviewt worde, u hei o meh als gnueg Zyt übercho zum di verschidene Länderordner z'studiere, dr Programmpunkt "Wie finde ich eine Gastfamilie?" het mi glücklicherwiis id bsunders kümmeret wil mini Familie bereit isch öpper ufznäh (zum Glück! i liebe si drfür...nid nur wili die 1200.- äxtra nid mues zahle, o was drhindersteit und so..) me het üs gseit was mit em Gäld wo mir zahle (und es isch nid wenig :/ ) passiert, und schliesslech, ändlech, nach immerhin nur 7 u nid wie zersch akündiget 10 Stund hei mir üs verabschidet. Zersch hei mir allerdings no dörfe Rückmäldig gä...
So, jetz chli zu mir. I wett es Ustuschjahr als Volontär uf Bolivie mache. Und zwar wili
1) nach 12 Jahr Schuel eis öppis sinnvolls wett mache
2) Spanisch wett lehre
3) öppis nöis gseh und erläbe
und wiso Bolivie? Wil ds Südamerika nur Bolivie, Ecuador, Kolumbie u Brasilie zur Uswahl stöh. Ds Brasilie redet me bekanntlech portugues (odr öppis ähnlechs) und woni atönt ha das Kolumbie ono öppis wär isch mini halbi Verwandtschaft Sturm gloffe, es sig ja soooo gfährlech. Cha ja scho si, immerhin chunnt mini Tante vo Kolumbie - getrout sech aber nüm häre. Anderersiits... chli weniger Schmuck&Co. täts doch o? :p
Bolivie isch ono interessant wägem höche Ateil vor indigene Bevölkerig, de Indigenas (ja, ja, ja nid Indios!)
Und hüt hani no mit dr Florine gredt - odr besser si mit mir, wo 5 Mönet ds La Paz isch gsi. Und si het mir würklech vorgschwärmt, u wett o gärn no einisch ga. Si het mir no so über ds Ässe verzellt (Riis mit Härdöpfel, odr schwarzi, gefriertröchneti Härdöpfel (Spezialität!) und geng, geng Fleisch, v.a. Poulet odr Hackfleisch. Empfohle het si mir Teigtäsche vo de Strasseständ und Saftständ wome d'Frücht uswählt wonär gad presst wärde...mmmmmmh) I schribe das übrigens hie uf, nid wili dänke dases öpper wahnsinnig interessiert, sondern damit is nid vergisse :)
Was mir dä Tag bracht het? I würd säge es het mini Entscheidig gfestiget und mir e chli z'Gfüehl gä dases richtig isch das z'mache. Und weni so dra dänke, gspüri scho es bitzeli Vorfröid...
Wyter geits ersch mitemne 3-tägige Camp vom 22.-24. Juni, z'Aarburg. Bis denne!
x.
